2024 se Opedag was ‘n baie besonderse dag! Die opgewonde gesiggies en ouers was vir ons die hoogtepunt van die dag! Dankbaarheid straal behoorlik vanuit die gange van die Kastelers om hierdie nuwelinge volgende jaar te verwelkom in ons gr.R klas.

Baie dankie aan elke ouer wat hulle kind Vrydag na ons Opedag toe gebring het. Ons waardeer julle teenwoordigheid en dat ons die dag saam met julle kon gedeel het! Maak die regte keuse en kies Laerskool Riebeek Kasteel vir die toekoms van julle kind! Julle sal nie spyt wees nie.

Dankie ook aan juf. Annamie le Roux vir die organisering van ‘n uitstekende, suksesvolle Opedag, asook aan elke onderwyser vir die hulp en die ondersteuning. Dankie aan oom Johan Kotzé wat vir ons die koei behartig het en wat gemaak het dat die Kastelers nooit die dag sal vergeet nie. Dit word opreg waardeer!